ВИДЕО: Откачен танчер на улиците во Париз, Street dance in Paris.

Туристите пред катедралата Нотр Дам во Париз беа почестени со откачена кореографија на неверојатен уличен танчер.

Со феноменална контрола на секој дел од своето тело, тој ја воодушеви својата публика, но и стана хит онлајн. Погледнете го видеото.

Топ 10 летни бјути трендови од Elle

Летото веќе е на прагот, а топлото време отвора простор за нови трендови. Списанието Elle направи листа на најинтересните трендови кај шминката и косата кои се прифатени од холивудските ѕвезди.

Неуредни брановидни прамени

Ваквата фризура изгледа секси, а освен тоа е едноставна за правење и лесна за одржување. Ова е идеален изглед за на плажа.

Усни како лубеница

Неонските усни се апсолутен хит. Нема да погрешите ако ги истакнете усните со мат кармин во боја на лубеница.

Коса до вратот

„Боб“ фризурата ќе ви помогне и да изгледате тренди и полесно да се справите со летните горештини.

Бордо усни

Темноцрвените усни кои потсетуваат на црн бургундец се еден од најпопуларните трендови оваа сезона, а воедно изгледаат и неодоливо секси.

„Богата“ боја на коса

Неодамна „богатата“ боја на косата на Ева Лонгорија се најде на списокот нанајвлијателните фризури на сите времиња. Копирајте ја нејзината нијанса и нема да зажалите.

Бронзени акценти

Истакнете ги вашите јаболкници со бронзено руменило, а надополнете ја шминката и со земјени нијанси на сенки за очи

Црвени прамени

Дру Баримор, Скарлет Јохансон, Блејк Лајвли и Ријана се само неколку од славните ѕвезди кои решија да нè изненадат со црвена коса. Летото е идеален период за експериментирање со нијансите, па нема причина зошто да не пробате како ќе се вклопи овој тренд во вашиот имиџ.

Виолетови очни капаци

Виолетовата шминка продолжува да освојува и во текот на летните месеци. Добрата вест е што виолетовите сенки одлично си одговараат и со кафеави и со сини и со зелени очи.

Бујни прави шишки

Навистина е досадно со текот на топлите денови да треба да одржувате прави шишки кои дополнително ќе ви создаваат жештина на челото, но ако сакате да бидете во тренд, ќе мора да трпите. Сепак, најдобро е во текот на денот да ги фаќате со шнола, а да ги пуштате само за време на свежите летни вечери.

 

Очи во боја на смарагд

Зелените сенки делуваат свежо и весело. Поиграјте си со посветли и потемни нијанси за да добиете максимален ефект.

ФОТО: Модни предлози од Blanco – пролет/лето 2011, Blanco - spring/summer 2011.

Со право Blanco е еден од најпопуларните брендови кај младата популација во Шпанија. Нивните модни предлози за пролетните и летните месеци со леснотија можат да го освојат секој женски поглед.

Младешкиот дух, свежината и лесните материјали, модерните кроеви и неодоливите дезени и бои „работат“ во синхрон и се преточуваат во уникатните креации на колекцијата пролет/лето.

Што може да биде попривлечно во текот на топлите денови од шик комбинација со фармерки и интересна блузичка, морнарска или цветна комбинација или пак едноставно фустанче во бела или крем боја?

Колекцијата покрива еден куп трендови и е синтеза од интересни парчиња облека, чанти, обувки, модни додатоци за коса, колани, марами...

Ако не можеме да ги имаме моделите на Blanco, тоа не значи дека не можеме да црпиме инспирација од нивните комбинации.

ПРОЛЕТ

       

        

        

         

         

        

         

         

         

         

ЛЕТО